CASTROL EDGE PROFESSIONAL

1989-cu ildə Castrol və Jaguar Le-Manda keçirilən 24 saatlıq yarış üçün sürtgü yağının hazırlanması üzərində birlikdə işləyirdi. Hazırda Castrol 11 ildən çoxdur, Jaguar şirkətinin sürtgü yağları üzrə rəsmi texnoloji tərəfdaşıdır. Bu şirkət bizi xüsusi olaraq hazırlanmış Castrol Professional sürtgü yağları ilə təchiz edir. Əslində, şirkətin geniş məhsul çeşidi xüsusi olaraq Jaguar avtomobillərinin tələbləri üçün müştərək olaraq hazırlanıb. Castrol EDGE® Professional Jaguar tərəfindən eksklüziv olaraq tövsiyə edilir.

Jaguar mühəndisləri və Castrol texnoloqları yaxından əməkdaşlıq edərək xüsusi olaraq Jaguar mühərrikləri üçün hazırlanmış sürtgü yağları yaradıb. Bu əməkdaşlıq yanaşması Castrol Professional yağlarının hazırlanarkən Jaguar mühərriklərində geniş şəkildə sınaqdan keçirilməsini göstərir. Bu, mükəmməl istismar keyfiyyətləri, yanacağa qənaətin təkmilləşdirilməsi və CO₂ emissiyalarının səviyyəsinin azalmasına nail olmaq üçün hər iki texnologiyanı optimallaşdırmağa kömək edib.

Castrol EDGE Professional yağın yaratdığı təbəqənin möhkəmliyini ikiqat artıran TITANIUM FSTTM ilə gücləndirilmişdir. Yağ təbəqəsinin həmcinsliyinin pozulmasının qarşısının alınması sürtünməni azaltmışdır, bu isə mühərrikin istismar keyfiyyətlərini maksimum həddinə çatdırmağa kömək etmişdir. Metal hissələr arasında təmasın azaldılması baxımından əsas rəqibin məhsulundan 45 faizə qədər daha güclü* olan bu sürtgü yağı Jaguar sürücülərinin ehtiyac duyduğu yüksək səviyyəli xarakteristikalara nail olmağa imkan verir.

Castrol EDGE Professional dünyada CO₂ emissiyalarının neytral səviyyədə olduğu ilk sertifikatlaşdırılmış mühərrik yağıdır. Yağın hər bir litri ən yüksək qlobal standartlara müvafiq olaraq CO₂ emissiyalarının neytral səviyyədə olması üçün sertifikatlaşdırılmışdır. 2014-cü ildə Castrol şirkətinin məhsullarının bütün həyat dövründə karbon izinin azaldılmasına yönəlmiş siyasətinin sayəsində bütün dünyada 200 000 ton CO₂ neytrallaşdırılıb. Castrol şirkətinin istehsal prosesində meydana çıxan hər hansı CO₂ tullantıları Keniyada yenidən meşələrin salınması, Çində təmiz elektrik hasilatı və Yeni Kaledoniyada külək fermaları kimi karbon emissiyalarının azaldılmasına yönəlmiş layihələrə investisiya qoyulması yolu ilə kompensasiya edilir.